الرئيس وبن علي ومابينهما -1
بن منصور-
والله يابن علي قدنا منك الى هنا رعك زيدتها . وبعدين يابوك بطل الدلع حقك ما معك الا الذي اتفقنا عليه والي اوله شرط اخره نور . ماحنا اتفقنا ولا معك خبر ثاني . وخلينا نخلص من الحوار هذا وشفني باقولها سدق أن المزايدين والمتاجرين بالقضية الجنوبية سيجدون انفسهم خارج التاريخ --
رع امجماعه هنا لبوهم اللعنه ماخلوا لي حالي صبح وظهر ومساء التلفونات ما بتتوقف شي يارنين وين جيناء وين جيناء مع انه قد حطوا جنبي محسن وقد معه اربع اذون واربع عيون وداري بكل حاجه بس يشتوا يمتحنوني سادق معهم ام كاذب . خلنا نتخارج باقي قليل وبدخل التاريخ وتعرفني اني ماشي بافرط فيك باجرك لداخل التاريخ معي --
بن علي -
شوفنااصحاب وبيننا عيش وملح ورع لغة التهديد والوعيد ماباتمشي عندي وانته تعرفني - واذا انته على التاريخ رعه يابوك مابا يرحم من دخلوا عدن على ظهور الدبابات في حرب 94 مانا كنت في دوفس والحمد لله بعيد عن عدن.
وقدكنا سمن على عسل قلت لي تعال وجيت مييين لندن وقلت لي انحشّك في الحراك وصلح لك فصيل وقلت حاضر وعقدنا المؤتمر الوطني لشعب الجنوب بمحافظة عدن للفترة من 16 الى 18 ديسمبر وخرجنا برؤية استعادة الدولة واتفقنا على عدم المشاركة في حوار صنعاء الا بتفاوض ندي بين الشمال والجنوب وقد قدرت اقنعهم بالمشاركه وساعدني ابو عينها القنع
ولما قلت تعالوا الحوار والرزق في صنعاء دبل قلت حاضر سيدي وماحد يكره الرزق وسحبت لك الى الحوار مليان طياره ولو كان في بحر الى صنعاء لكنت حملت لك مليان سفينه . وباقول السدق الحواله صرفتها وفوقها زيها سلف --
وذي جبتهم رعهم ماشي هم سهليين مثل البرابر باتشتري واحد والباقي بايمشوا بعده . ذول الواحد منهم زي كبش الريف لما يكون في المدنيه وتشتريه ومابايمشي معك الا سحباب تلاقيه لاصق للارض ماسك بُرِيكْ ويا اما تتعتله على ظهرك او تستكري له سياره انجيز يعني شوفني جبتهم بالشئ الفلاني ورعها جواني --
بن منصور -
رعك يابرعلي ماعرفت تجي لهم من وين . لئن امكبش في اممدينه احسن حاجه تروويه امقصب او تقرب امحشيش الى قرب لقفه ولا تاكله وحتى في امبدايه اذا مامشى اتركه قليل وبعديين اول ما الجوع يبقصه بايجري نحوك جري . والجماعه لو اعطيت الواحد رزمه ابو الف بس وقل له يتلحموا هو والعويله حقه ويشتري له قات مطول وتخزينه يوم واحد وقل لهم انك نازل صنعاء وبعدين اختفي عنهم ولا ترد التلفون والجماعه لهم تسع تعشر سنه وهم في جحر الحمار وباتشوف ثلاث ايام او اربع بالكثير الا وقدهم بصنعاء يدوروا لك وين بن علي وين بن علي --
بن علي -
والله اني يابوي درت لهم من ورئ ومن قدام ومن كل مكان ومارضوا يتحلحلوا الا كاش بتعرف انهم معقديين من اصحاب صنعاء وقالوا قد كوشوا على ثروات شعب باقي حقنا نحنُا والواحد منهم مايثق حتى باصابعه . المهم قد شفتهم بعينك صماصيم معي بر وبحر وجو اهم شي حق بن علوان والبنزيين وبالصراحه يستاهلوا لانه بدونهم كنا قد انفضحنا وماقدرنا نوصل الى الطبخه حقا لاقاليم --
ذاكر ان نحنا اجيناء بالقصب وكل فصائل الحراك رفضوا امشاركه . وهدأوا لما سمعوني اقول باجيب لكم الجنوب بطبق من ذهب - رعهم يابوك طيبين بس لما سمعوا الذهب نسيوا الجنوب- والجنوبيين كان مطلبهم فك الارتباط . وامبرابر حقي كلما حسوا الدولارات بتجري بيداتهم كلما كانوا اكثر طاعةً . وحتى اني قدرت اقنعهم بالتنازل عن فك الارتباط - ومابقى ذ لحين الا نجهز الطبخه وماشي با لخرج على سقف الوحده --
بن منصور -
ذاكر والله ذاكر ونا قدنا عارف بن علي ماشي با تعجى عليك حاجه وامجماعه هنا مبسوطين منك كثير . وبكره الغداء بايكون عند حميدو وخوه صادق وشوفهم حمران عيون بن لحمر وبايكونوا موجودين الحاج محسن والحاج الزنداني والمقيل بايكون متروس بحمران العيون وحجاج حتى با تحس انك في منى بس هناك بيرجموا الشيطان بحجاره وهنا كل واحد منهم قده شيطان لحاله ويتراجموا بالقات --
وجيب معك الصريمه والذي تثق بهم لانه في المقيل بايقع كلام حناني طناني ولا تشتروا قات , بكره قدك محمول مشمول انته واصحابك --
انا بكره معزوم غداء عند السفير الامريكي وباقول لك كصديق يبوا يستاجروا قاعدة العند من شأن الطياره بلا طيار . ويابوك بايطلع لي قرشين وحقك قده بايوصلك ديليفري --
وقد جربتهم لما استأجروا الشيراتون ما بي قصروا علىى طول يحطوه لك في حساب سري في سويسرا ولا من شاف ولا من دري --
بس انته واصحابك خليك بكره صمصوم وارفع راسي عندهم وطمئنهم بان كل شئ تحت سقف اموحده , وكل شي بحسابه واطلبوا لي تبوه ولا تشد كثير معهم لانهم ماكرين وغداريين وقد شفت كيف خدعوا الثوار امشباب وغطسوا بينهم وفي الاخير طلعوا هم الثوار وحامين الثوره اما امشباب قلبوهم اثوار وجالسيين يحرثوا عليهم لما الان --
بن علي -
حاضر بكره باروح انا والصريمه بس .لانه كم امديك وكم مرقه وتعرف فريقنا جوعانين فلوس ابعدني منهم .
الى اللقاء في الحلقه الثانيه ---
الدكتور/عبدالرب السلفي
